Shillong, Ïaïong 07: Ka tnad pule Community Medicine jong ka Shillong Medical College, ha ka sngi baar ka la rakhe ïa ka ‘World Health Day 2026’ da kaba pynlong ïa ki jingtrei kam kiba pher bapher ban kyntiew ïa ka koit ka khiah.
Ban rakhe ïa kane ka sngi la ong ba la pynlong mynstep da ka jingïamreh marathon ïa kaba la shim bynta da ki samla pule bad ki nongpynïaid ïa ka Shillong Medical College bad la leit ban jngoh ïa ka shnong Lum Sohriew kaba hap hapoh jong ka Block Mawphlang.
Kane ka jngleit ka long ban sngewthuh ïa ka jinglong jingman ka koit ka khiah ha ki nongkyndong bad ban pynsngewthuh ïa ki briew ha kaba ïadei bad ka koit ka khiah halor ka phang ka jingïasnoh ktilang yn ïoh ïa ka jingkoit jingkhiah ha ryngkat bad ka jingstad saïan.
Kane ka long kaba donkam ïa ka jingïatreilang bad ki paidbah ban pynïoh ïa ka koit ka khiah bad ban ai ïa ka jingïada bad ïa kane ka sngi rakhe ïa ka sngi jong ka koit ka khiah ba long ban kham pynleit jingmut ban pynïoh ïa ka imlang sahlang ïa ka koit ka khiah ïa baroh.
