Shillong, Ïaïong 06: Ki pulit ki la ïathuh ba u Bah Istarwell K Sadew u la phah ka jingujor ba ha ka step jong ka 3 tarik mynta u bnai, ki runar bym lah ban ithuh ki la tuh ïa ka scooter jong u kaba don u nombar ML-05AC-7143 napoh ka compound ïingsah jong u kaba ha shnong Sadew (EKH).
Nangta ha kawei pat ka jingjia ki pulit ki la ïathuh ba u Bah Wallamjop Wahlang u la phah ka jingujor ba hapdeng ka miet jong ka 1 bad 2 tarik mynta u bnai, ki runar bym lah ban ithuh ki la tuh ïa ka scooter jong u kaba don u nombar ML-05AD-5199 na Mawlai Nongkwar, Block-13, Shillong.
Shuh shuh ka khubor ba la ïoh na ki pulit la ïathuh ba u Bah Roningstar Kharmawlong u la phah ka jingujor ba ha ka 4 tarik mynta u bnai hapdeng ka por shiteng synñia, ki runar bym lah ban ithuh ki la tuh ka thuk thuk jong u kaba don u nombar ML-15-0597 na Mairang (EWKH).
