Halor ki kam khappud bad pynkylla ïa ka AD Rules ïamir jingmut u MR bad ki Waheh Shnong Jaintia Hills

Shillong, Iaiong 5 : U Myntri Rangbah (MR) ka jylla u Conrad K Sangma ha ka Sngi Saitjaiñ u la ïakynduh bad ïamir jingmut bad ki Waheh Shnong na Jaintia Hills bad ka jingïakren kaba kham kyrpang ka long halor ka jingeh ba ki paid khappud ki ïa kynduh na u pud u sam bad kumjuh ruh halor ka jingpynkylla ïa ka AD Rules khamtam ïïa ka kyndon ba 8 bad 128 jong ka Jaintia Hills Autonomous District Council khnang ban pynkhlaiñ ïa ka jingmut jongka Council ban ïada trai ri trai muluk Pnar.
Ka jingïakren ka long ruh halor ka rukom synshar khadar bad halor ki kam pynroi pynpar.
Haba u Myntri Rangbah u la thoh ha ka X jongu u la ong “ La ïoh ban ïakynduh bad seisoh bha ka jingïaphylliew jingmut bad ki Waheh Shnong ka Jaintia Hills khamtam ha ka jingïamir jingmut halor ka synshar khadar bad ki kam pynroi pynpar”.
U Myntri Rangbah u la pynpaw ruh ba u la ïakren na ka bynta ban pyllait noh ïa ka pisa ba sah jongka skhim Mahatma Gandhi National Rural Employment Hurantee Act shwa ban pyntreikam da ka skhim kaba thymmai ka VB-G-RAM-G.
“ La ïakren sani bha halor ka jingsiew dep noh ïa ki bill kiba sahteng jongka MGNREGA shwa ban pyntreikam da ka skhim kaba thymma ka VB-G-RAM-G ban lait kano kano ka kynrum kynram hadien habud” ong u Myntri Rangbah.