Shillong, Iaiong 5: Ha ka jingïaid lynti ban kyrsiew ri, kum shi bynta ban rakhe ïa ka Khasi National Awakening Day kynsan kynsan la shah ther maw ha ki briew ki bym lah ban tip kidei kiei.
Ka jingjia shah kawang maw nyngkong kadei ha Last Stop, Laban hajan Laban Police Station bad ha shnong Bishnapur ha ka por ba pynlong ïa ka jingiaid paidbah.
Hynrei ka jingkynnoh kala mih ba u maw la kawang sha ki dkhot jong ka KSU kaba la pynlong pat ïa ki dkhot jong ka KSU ban pynphai kylla ïa u juh u maw.
Katkum ka jingong jong ki nongshong shnong kiba sakhi, la kawang ïa u maw na kawei na ki iing ha katei ka thain kaba la thmu ia u nongiashim bynta ha katei ka jingialang
Kum ka jingpynphai kylla, katto katne ki nongïakhih jong ka KSU ki la shim ïa ujuh u maw bad ki la kawang kylla sha ka liang ba u maw u wan.
Katto katne ki kynthei na katei ka thaiñ, ki la pynrem jur ïa katei ka jingjia shah kawang maw, da kaba ong ba ka lah ban pynbitar ïa ki nongïakhih bad wanrah ïa ka jingeh ha ka aiñ bad ka shongsuk shongsaiñ.
Kitei ki nongïa shim bynta katba ki dang ïaid kjat, kynsan kynsan u maw u la mih na kawei na ki ïing building, kino kino ba la leh ïa kane dei ban shah pynrem, ki la ong.
Ha kiwe ki bynta jong ka Laban, kila don ki iing kiba la shah pynjulor ki jingkhang iit ha kane ka rally, kaba la pynlong hapdeng ka jingpahara kaba pyrrkhing bha.
Kane ka jingjia kala pynlong ïa ki Pulit ban pynlong ïa ka jingtohkit.
