Shillong, Ïaiong 04 : Haduh ar pyrton ki pulit jong ka State Disaster Response Force (SDRF) ki la mih hynne ka step ban shim bynta ha ka jingpynkhuid ïa ka wah Umkaliar ïa kaba la lamkhmat da ka Padma Shree Patricia Mukhim ba dei ruh ka Editor jong ka Shillong Times nalor kiwei kiwei ki kynhun trei mon sngewbha.
Ïa ki SDRF la ïalam da ki lai ngut ki Inspector ban shim bynta ha katei ka jingpynkhuid wah kaba la sdang naduh ka por 8:00 baje mynstep haduh ka por 9:15 da kaba trei ryngkat ryngkat bad ki kynhun bapher bapher. Kine ki kynhun ki la pyrshang ban pynkhuid ïa ki jaboh jabain kiba jur bha na katei ka wah kaba la jaboh bha kaba dei ka tnad jong ka Wah Umkhrah.
Kane ka long katkum ka kyrwoh ba la phah da u Bah PH Shylla, Senior Staff Officer & PRO jong ka Civil Defence & Home Guards Meghalaya, Shillong.
