Shillong, Ïaïong 04: Ka North Eastern Electric Power Corporation Limited (NEEPCO) ka la rakhe ïa ka Foundation Day kaba 51 jong ka ha ka 2 tarik Ïaïong, 2026, ha ka Ophis treikam jong ka ha Shillong, kaba rakhe ïa ki sanphew snem jong ka jingshakri ba aiti lut sha ka kam bording jong ka ri.
Ka prokram ka la sdang da ka jingleh burom bad ka jingpynher ïa ka lama jong ka NEEPCO, kaba pyni ïa ka jingaiti ba ïaibteng jong ka NEEPCO sha ka jingtbit ha ka kam.
Ha ka jingai jingkren ba kongsan jong u, u Chairman & Managing Director (CMD) u la ïarohïa ka jingïaid lynti ba kongsan jong ka NEEPCO bad ki jingnoh synñiang ba kongsan jong ka sha ka kam bording, khamtam ha ka thaiñ shatei lammihngi. U la ïaroh ïa ki sienjam jong ka NEEPCO, ki jingjop ba kongsan, bad ka jingaiti jong ki nongtrei jong ka ha kaba pynpoi ïa ka jingtrei kaba bha ha kylleng ki projek bad ki jingtreikam.
Haba batai ïa ka NEEPCO kum ka tnat kaba ïadei bad ka kam um jong ka NTPC, u la ban jur ïa ka jingdonkam ba kongsan jong ka ha kaba pynkhlaiñ ïa ka bording ba lah ban pynthymmai jong ka ri.
U B. Maharana, Director (Finance) u la ai ka jingkren pdiang burom, da kaba ban jur ïa ka jingïaid lynti jong ka NEEPCO, ki jingjop, bad ka jingthmu ha ki por ban wan. Ha ka jingai jingkren pdiang burom jong u, u Director (Finance) u la pynpaw ïa ka jingsngew sarong kaba khraw ïa ka jingïaid lynti jong ka NEEPCO kaba la palat san phew snem, da kaba ban jur ïa ka jingkylla jong ka NEEPCO sha u rishot ba kongsan jong ka jinglong jingman ka kam bording jong ka India.
La pyni ïa ka phlim kaba pyni ïa ka jingïaid lynti jong ka NEEPCO-naduh ba la sdang ïa ka haduh ki jingjop jong ka ba mynta, kaba pyni ïa ka jingkylla bad ki mawmer jong ka. Ha kane ka prokram la don ruh ka jingplie paidbah ïa ka Vigilance Bulletin bad la pynkut da ka jingkren ai khublei na u Chief Human Resource Officer (CHRO).
