Ïasoi ka Meghalaya bad ka Starlink India, ban pynïasoh internet kaba sted hapoh ka jylla

Shillong, Ïaiong 01: Ka Jylla Meghalaya ki la sakhi ïa ka jingjia ba kongsan ha ka |” Ïaiong, 2026 haba ka la rung sha ka juk ba thymmai jong ka jingpynïasoh digital na ka bynta ki jaka ba jngai bad bym lah ban poi ha ka Jylla, lyngba ka jingïatreilang bad ka Starlink India.La ïasoi ïa ka Shithi ne (A Letter of Intent) mynta ka sngi hapdeng ka Sorkar Meghalaya bad ka Starlink India.
Kane ka jingiatreilang ka thmu ban wad ïa ki lad ki lynti ban pynbiang ïa ka jingpyniasoh internet kaba stet lyngba ka jingstad kaba la tyrwa da ka Starlink.
Ïa kane ka jingïalang la don lang ruh da u Myntri Rangbah ka Jylla u Conrad K. Sangma bad la ïadonlang ruh u Bah Lahkmen Rymbui myntri ka tnad pule puthi jong ka jylla Meghalaya bad u heh ophisar. Ki nongmihkhmat ba kham rangbah na ka Starlink kiba kynthup ïa ka Gwynne Shotwell, President & COO SpaceX, ka Lauren Dreyer, Vice President ka Starlink Business Operations, u Prabhakar Jayakumar, Country Head, Starlink India nalor kiwei pat.
Ka Gwynne Shotwell, President & COO ka SpaceX ka la ai ka jingïaroh ïa ka jingdon bynta shitrhem jong ka Sorkar Meghalaya ban rah ïa ka Jylla lyngba ka jingpyndonkam ïa ka technology.Ka la ai khublei ruh ïa u Myntri Rangbah ka Jylla uba la ailad ïa ka Starlink ban noh synñiang bad kyrshan ïa ka Jylla ha ka jingwad jong ka ïa ka roi ka par kaba sted.
U Myntri Rangbah ka Jylla Meghalaya u la pynpaw ïa ki jingeh ba ka Sorkar Jylla ka ïakynduh ha kaba ai jingshakri ïa ki nongshong shnong ka Jylla Meghalaya namar ka jingbym lah ban shaniah ïa ka internet namar kane ka thaiñ ka don ïa ka jaka ba kyrpang.