Shillong, Lber 29: U Sate Working President ka National People Party (NPP) u Bah Hamletson Dohling u la pynrem jur ïa ka jingjia ba kyndit kaba la jia ha Umshyrpi ha kaba uwei u nongniah kali kamai u la shah thombor ha u riew shimet bym lah ban ithuh kaba byrngem tyngeh kiba jur ïa utei u nongniah kali.
“Kum kane ka jingleh be-ain kam long kaba lah ban pdiang ha ka imlang sahlang kaba mynta bad kaba la nang la stad bad dei ban pynrem jur ia kane da baroh kiba don ka jingsngewkhia” ong u Bah Hamletson Dohling.
Shuh shuh u Bah Dohling u la ong, Ka NPP ka khot ka wer ïa ki pulit ban shim khia mardor ïa kane ka kam, ban pynlong ia ka jingtohkit kaba bniah bad ban pynthikna ba ïa u nongleh kam sniew yn pynngat ha ka ain khlem da pynslem.
