Shillong, Lber 02 : Ka Department of Neurology bad Neurosurgery NEIGRIHMS ka la pynlong ïa ka prokram kaba seisoh halor ka phang CME Summit Stroke Day ha NEIGRIHMS halor ka phang “Strengthening the Stroke Care Continuum – From Early Recognition to Rehabilitation” kaba la pynlong ha ka 28tarik Rymphang, 2026.
Ïa kane ka CME la pynlong da ka jingïatrei lang bad ka Shillong Neuro Club hapoh ka lama jong ka Association of Neuroscientists of Eastern India ryngkat ka jingkyrshan lang jong ka Indian Stroke Association. Ïa kane ka prokram la ithuh da ka CME Credit Points da ka Meghalaya Medical Council.
Baroh ki la don haduh 70 ngut ki nongwan shimbynta kynthup na Bihar, Assam bad Shillong ha kane ka prokram. Ha ka kylla kaba nyngkong la kynthup daka jingai jingshai naki riewshemphang, ka jingpyni ruh ïa ki presentation, ka jingïatai bad ka jingkylli jingkylli halor ka stroke.
Ha kane ka prokram baroh la ka long naduh ki samla ba dang pule ha ka MD Medicine bad Radiology kumjuh ki DNB resident na Guwahati Medical College, NEIGRIHMS bad Nazareth Hospital ki la shimbynta da ka jingshitrhem h aka jingïatai halor katei ka phang.
Na ka liang ka CME ka la banjur halor ka jingdonkam ïa ka jingïatrei lang jong ki tnad bapher bapher ban ïakhun ïa ka jingpang stroke.
