U shynrai, u long uwei napdeng ki jingber ba kynrei bha ban pyndonkam ha ki jingbam ba ngi shet bad u ju paw ruh ba u lah ban ai jingmyntoi shibun bah ha ka liang ka koit ka khiah. U dei uba la ju tip kum u syiem napdeng ki jingber ne ki jingshoh, u Shynrai la slem la ju pyndonkam ruh kum ka jingsumar halor kiba bun ki jingpang bad jingshitom. U shynrai u don ïa ka curcumin, ka compound, kaba lah ban ïarap bad ai jingmyntoi ha kiba bun ki liang ka koit ka khiah, kynthup ka jingmyntoi ïa ka jabieng. Ka Curcumin ka don ka antioxidant bad ka bor ba lah ban ïakhun pyrshah halor ka jingkiew ka jinglong tyrha ha ka met.
Ka jingkiew ka jinglong tyrha ka dei kaba ju paw ba don jingïadei bad ka jingkhuslai, watla ym pat lah ban tip thikna ka daw ha lyndet kane ka jingdon jingïadei. Ki jingbam ba riewspah ban don ki antioxidant-kum u shynrai ki dei kiba lah ban ïarap halor ki dak jingshitom halor ka jingngat ha ka jingkhuslai lyngba ka jingpynduna halor ka jingkiew ka jinglong tyrha. Ka curcumin bad kiwei de ki chemical ha u shynrai ki paw ba ki dei kiba kynsai ba lah ruh ban pyllait na ki jingpang kum ka bampong, ka jingpang klongsnam, ka Alzheimer’s, ka pangmat napdeng kiwei de.
Baroh ngi la mad teng halor kane ka jingshah ktah ba paw hapdeng ba don ka jingkhsulai, hynrei ka jingshah ktah ka lah ban pher na uwei u briew sha uwei pat. Ha kajuh ka por ka long kaba donkam ban ithuh kine ki dak jong ka jingshah ktah ban shim ki sienjam kiba dei khnang ba lah ban pynduna bad tehlakam ka jingkhuslai. Ka jingkhuslai ka dei kaba ktah hapdeng kiba bun ki briew ha ki ri satlak ka pyrthei.
Ka jingïakhun pyrshah ka jingkhuslai da ka curcumin:
U Shynrai u paw ba u long u thymmei halor ka jingdon ka polyphenol curcumin bad u dei uba lah ban ai jingmyntoi ha kiba bun ki liang ka koit ka khiah. Ki antioxidant kiba don ha ka curcumin ki dei kiba lah ban pyllait bad ai jingïada ïa ka met ba mih na ka jingdon ki phlia jakhlia kiba paw ba ki long kiba don ka jingma. Kine ki antioxidant kiba don ha ka curcumin ki dei ruh kiba lah ban ïakhun pyrshah ki dak jingshitom halor ka jingkhuslai da kaba pynduna ka jingshah banbor ki oxygen bad ka jingjur ka jinglong tyrha.
Ka Curcumin ka paw ba lah ban ai jingmyntoi hapdeng kito kiba jur ka jingshah ktah bad shah banbor na kane ka jinglong khuslai.
La shem ba ka Curcumin ka dei kaba lah ban pynduna ki dak jingshitom jong ka jingkhuslai, ka jingpaw ki dak jingshitom halor ka jingsngew bad ka jingtreikam ha ka bor jabieng, bad kumjuh ruh halor ka jingpaw ki dak jong ka jinglong artatien lyngba ka jingpynduna ban don ki monoamine oxidase A & B enzymes – ka jingtreikam halor ka jingdon jong ki neurotransmitter ha ka jabieng. Ki ïarap ban pynjur halor ka jingdon ki neurotrophic bad ka jinglah ban ïakhun pyrshah ka jingkiew ka jinglong tyrha. Ka Curcumin kam don jingktah satia wat lada la pynrung bun.
Kane ka Curcumin ka dei kaba lah ban ai jingïarap halor ka jingpynkylla ki jingtreikam ha ka jabieng ba mih na ka jingjur ka jingkhuslai. Ha kajuh ka por ruh ka aibor na ka bynta ka jingthaw thymmai ki cell ha ka jabieng bad ka jingïasoh jong ki – ki rukom treikam kaba lah ban khanglad bad pynduna ki dak jingshitom jong ka jingkhuslai.
La slem bah la ju pyndonkam ïa ka Curcumin na ka bynta ba lah ban ai jingïarap bad jingïada na kiba bun ki jingpang, kynthup ka jingïada na ka jingpang ba ktah ha ki bynta ka bor jabieng da kaba tehlakam halor ki dak jinshitom ba banbor ha ka jingmut jingpyrkhat bad ka jingkhuslai.U Shynrai u dei uba lah ban pyndonkam da baroh.