Khliehriat rymphang 17: Ka Jaiñtia National Council Khliehriat Circle (JNC-KC) hapoh ka jinglam khmat u General Secretary, u bah Symboh Baiar Sumer mynta ka sngi ka la leit ban buh da ka jingujor hakhmat u Executive Engineer ka tnat PWD Khliehriat Division, East Jaiñtia Hills District halor ka jingsniew palat ki surok ha ka thaiñ Khliehriat.
U bah Symboh Baiar Sumer u la ong ba ka jingjot jingjulor ki surok ha Khliehriat ka la buh jingeh ïa ki paidbah nongleit nongwan kumjuh ruh ki khynnah skul bad lada ym maramot noh ka jingjulor kan sa nang kham jur ynda poi ka aiom slap.
Na ka liang ka seng ka kyntu ïa ka tnat PWD ba kam shim khia ba jurip bad ban sdang noh kham kloi ïa ka jingmaramot ïa ka surok.
Katkum ka shithi ba la buh hakhmat u Executive Engineer ka tnat PWD ka seng ka la ong ruh ba unsien ki trai kali ki kynduh jingeh namar ka jingsniew ki surok ka wanrah ïa ka jingjulor ki kali bad ruh ka buh jingma ïa kiba leit ba wan, kumta ka seng ka kyntu ïa ka tnat ba kan shim khia ban pyntrei noh kham kloi ïa ka jingmaramot ïa ki surok ha sor bah Khliehriat.
“Katkum ka PWD Works Manual bad ki kyndon ba la buh, ka tnat ka dei kaba kitkhlieh ban peit, ban sumar bad ban pynbha noh mar mar ïa ki surok sorkar khnang ba ki surok kin long kiba shngaiñ bad biang ïa ka leit ka wan jong ki paidbah, ka jingsniew ki surok ka ktah ïa ka hok jong ki paidbah ban im bad ban ïoh jingïada kaba katkum ka Article 21 jong ka Constitution of India” pynpaw ka JNC Khlienriat Circle.
