Shillong, Rymphang 14: Ka khubor ba la ïoh na ki pulit la ïathuh ba u Bah Sardonyx Pasleiñ u la phah ka jingujor ba ha ka 9 tarik mynta u bnai ha ka por kumba 9 baje mynmiet, ki runar bym lah ban ithuh ki la tuh ïa ka scooter jong u kaba don u nombar ML-11-8521 na Laitumkhrah, Shillong.
Shuh shuh ha kawei pat ka jingjia, ki pulit ki la ïathuh ba ha 11 tarik mynta u bnai, ki runar bym lah ban ithuh ki la tuh kawei ka thuk thuk kaba la long trai da u Arun Kumar Hajong najan kawei ka jaka kaba hajan Police Reserve Hospital, Shillong.
Ha kawei pat ka liang u Frickstone Marak u la phah ka jingujor ba ha ka 9 tarik mynta u bnai ha ka por 1 baje mynstep, ka scooter jong u kaba don u nombar ML-13A-8819 la shem ba ka la jah napoh Resubelpara (NGH).
