Shillong, Rymphang 8: Ka Income Tax Act, 2025 kaba la ïoh ia ka jingmynjur jong ka President ka Ri India ha u Nailar 2025 kan treikamnoh naduh ka 01/03/2026 jong u bnai Iaiong.
Shuwa ba ka sorkar kan pynmih ïa ka jingpynbna ïa ki rule jong ka Income Tax, ïa ki rule kiba la pynwan dur la buh ïa ka website: www.incometaxindia.gov.in. haba ïa dei bad kane ïa ki phom ruh la pynkhreh kane ka long ban ïamir jingmut bad ki kyndon jong ka Income-tax Act, 2025.
La kyrpad ïa ki paidbah ba kin pule bniah bad lada ki don kano kano ka jingai jingmut yn dang lah ban peit biang shuwa ban pynmih ïa ka jingpynbna ka sorkar ha kaba ïadei bad ki rule, ha ka juh ka por ka Central Board of Direct Taxes (CBDT) ka khot ka wer ba kin ai jingmut.
Ka jingai jigmut kan long ha ki saw bynta, ban pynwan ïa ka jingthoh ha ka ktien kaba kham suk, ban pyndun ïa ka por lada don kano kano ka jingujor, ban pynduna ïa ki jingkit khlieh, ban peit bniah ïoh don ki rule kiba ym ïa hap shuh ha ka phom.
Ban pynsuk ïa ki paidbah lada ki don kano kano ka jingai jingmut la buh ïa ka jaka kaba kyrpang kaba la tip kum ka e-filing portal, kaba ki paidbah ki lah ban leit sha kane ka https://eportal.incometax.gov.in/iec/foservices/#/pre-login/ita-comprehensive-review.
ïa kane la plie na ka bynta ki paidbah naduh ka 04.02.2026 bad ban bud ryntih ïa ki jingbthah ban ai ïa ki jingai jingmut bad ki jingai jingmut kan long beit kumba ka btai halor ki saw tylli ki bynta kiba la kdew shai haneng.
