Haduh 35 lak, khung ei ki runar ïa ka pisa ba tuh na SBI ATM, Mylliembah

Shillong, Rymphang 8: Ki briew ki bym bhym la iathuh satia bad lehse ki lah ban dei ruh kiba la ju mlien kila ïoh ban khung ei haduh ? 35 lak tyngka, ïa kiba la tuh na ka SBI ATM kaba don ha Mylliembah.
Kane ka jingjia kala jia ha ka step sngi U Blei ha ka por kumba 2:30 mynstep bad kane ka jaka ba shah tuh ka hap hapoh ka jingpeit jon ka Mawngap Police Station.
Katkum ka jingïoh jingtip, ki runar ki la leh ïa kane ka kam tuh ha ka por kaba lyngkot bha bad ki la phet krad noh ryngkat bad ka pisa kumba ?35 lak hapoh tang hynñiew minit.
Hadien katei ka jingjia, la khot ïa ka Crime Scene Unit (CSU) sha katei ka jaka ban leh ïa ka jingtohkit ka dang iaid
Ïa ka case la shimti noh da ka Mawngap Police Station bad ka jingïaid tohkit ka dang ïaid shakhmat ban ithuh bad kem ïa ki runar.
Ïa mynta ki pulit ki dang bishar ïa ki CCTV footage kiba don ha kane ka dong ka thain bad ki la pynkhlaiñ ruh ïa ka jingïaid pahara ha katei ka jaka.
Lyngba ki sakhi, la ïohi ba kine ki briew kiba tuh na kane ka jaka kila kyndang naphang ïa ka kor ATM bad ki briew kiba leh ïa kane ka kam imat ki lah ban dei ki briew kiba la tip bha shaphang ki kor ATM.
Kum kane kajuh ka jingjia kala jia ha Mawkriah mynshem snem ha kaba kine ki briew kila pyndonkam da ki tiar ban ot ïa ka machine bad tuh ruh ïa ka pisa bad halor kane ka jingjia ym shym pat la ïoh kem satia ïa ki briew ba donkti.