Shillong, Rymphang 08: Ka khubor ba la ïoh na ki pulit la ïathuh ba u Asst. Manager, ka M/s DS Refill Station, Jrikhla Ionglwit Nongjngi (WJH) la phah ka jingujor ba ha ka step jong ka 19 tarik u Kyllalyngkot, 2026, ki runar bym lah ban ithuh ki la tuh ïa ka umphniang diesel napoh ka tank kaba kongsan bad donkam bha bad kumjuh ruh ki la khap ne ot ïa ki pipe kiba kongsan jong kane ka jaka thep umphniang.
Shuh shuh ha kawei pat ka jingjia, u SDE, BSNL, Williamnagar u la phah ka jingujor ba ha ka 22 tarik u Kyllalyngkot, ha ka por ba dang leit jurip ïa u tower jong ka BSNL, ba la wengnoh da ka NHAI na ka bynta ka jingthmu ban shna ïa ka surok ha Wagopgre (EGH), la shem ba ki runar bym lah ban ithuh ki la tuh ïa ki 2 tylli ki air conditioner ba shongdor T. 40,000/-.
