Kan shim por da ki snem ban btep khyndew ïa ki 22,000 tylli ki par dewïong ha ka jylla

Shillong, Rymphang 6 : U Myntri Rangbah ka Jylla Conrad K Sangma ula kubur ba ka jingkhang dam ïa ki par dewiong ba la shu ieh ha Jylla ka dei ka jingeh kaba khraw bha ïaki bor synshar district namar kan shim por da ki snem ban btep khyndew ïa palat 22,000 tylli ki krem dewiong.
“Ban khang dam ne btep khyndew ïa ki 22,000 tylli ki par dewiong ba la shu ieh, ka dei ka jingeh kaba tasam bha ïa kino kino ki bor synshar ka lah ban shim ïa ngi da ki snem ki snem ban khang dam ne btep khyndew tang ha kawei kawei ka District ruh” ula ong.
U Conrad ula kynthoh ïa kane haba kren halor ka jingbthei bomb ha ka par tih dewong beaiñ ha East Jaintia Hills, kaba la shim haduh 35 tylli ki mynsiem briew.
Ula kular ban leh da kaba tyngeh pyrshah ïa kiba don bynta bad ong “Ngin shim ïa ka sienjam kaba tyngeh pyrshah ïa kino kino kiba don bynta ha kane ka kam beaiñ”.
U Myntri Rangbah ula kubur ruh ba ka jingtih dewiong beaiñ ki dang bteng ban long ka jingeh kaba khraw wat hapdeng ki jingpyrshang ban pynshlur ïa ka kam tih dewiong daka jingstad saian.
“Kum kine ki jingjia ki ju jia, haba ka jingtih dewiong beaiñ ka jia, ka bym dei satia ban jia bad kane ka jingbthei bomb ka jia, ka bym dei satia ban jia” ula ong.