Baghmara, Rymphang 6 : U wei u briew ba la 47 snem ka rta, u la iap na ka jingsuba ba u ïa tyngkhuh bad u hati ha kawei ka jaka ha Gasuapara kaba hap ha South Garo Hills district, ha ka step sngi Thohdieng.
Une u briew uba la khlad la tip kyrteng kum u Abdull Munnaf, uba dei u khun jong u Mohasin Ali.
Utei u rangbah u dang ïaid da ka thuk thuk na Kakripara ha Assam sha Sibbari ha South Garo Hills bad la ïathuh ba u la shah kyrdem ha u Hati. La antad ba katei ka jingjia ka la jia hapdeng ka por 9:30 bad 10:30 baje mynstep.
Ki jinga tyngkhuh hapdeng u briew bad ki hati la ïathuh ba kala jia ha ki jaka bapher bapher jong ka thaiñ Garo Hills ha kine ki por ba la dep, khamtam ha ki jaka ba jan bad ki lynti khlaw.
Na ka liang ki bor ba dei khmih ki dang ïai ap ïa ka jingtip ba bniah bad ki dang bteng ban tohkit ïa katei ka jingjia.
