Shillong, Rymphang 05: Ki bor pahara ba don ha Nan Polok (Ward’s Lake), ha ka sngi Palei, ki la ïoh kem noh ïa uwei u briew ba 25 snem ka rta hadien ka jinglap jong ki ïa ka pla song ganja na u kata, katba ba u dang thmu ban rung sha Nan Polok ha kane ka sngi.
Ia une u briew la ithuh kyrteng da u Henjakapa, uba dei u nongshong shnong jong ka Kolasib District.
Halor kane, hadien ka jingïoh bat, ki bor pahara kila pyntip noh sha ki Pulit, kiba la leit ban shimti bad leh ïa kaba donkam katkum ka lynti ka aiñ.
La ïathuh ba na une u briew la ïoh ban kurup ïa u ganja uba khia haduh 2.479 kilo.
