Nongstoiñ, Rymphang 05: Katba nang ïaid ki snem ki samla jong ka West Khasi hills ki la nag kiew ha ki kam ïalehkai ba bun jait ha kaba ki la ïoh lad ban leit ïashimbynta ym tang ha ki rynsan ïlehkai kiba la pynlong ha ki district bapher bapher haduh ki rynsan ban ïa knieh ïa ka nam lahduh hapoh jong ka jylla hynrei ki la ïoh lad ruh ban leit ïa shim bynta shabar jong ka jylla ha kaba bun na ki ki la wan rah ïa ka nam ka burom ym tang ïa ka district hynrei ïa ka jylla hi baroh kawei bad ïa ka shnog ka thaw jong ki.
Napdeng jong ki jait jingïalehkai ba bun jait ka Muaythai kadei kawei na ki jait jingïalehkai kaba dang tang katto katne ngut ki samla napoh West Khasi hills kiba la ïoh lad ban leit ïashimbynta ha ki lympung ba la pynloong hapoh ka jylla bad shabar ruh kumjuh.
Haduh mynta dang don tang uwei u rang ïalehkai Muaythai uba kynsai na West Khasi hills uba kyrteng u Wadborlang Marweiñ u khun jong u bah Kwolingstar Langrin na ka shnong Ramsningwar kaba don ha ki thaiñ Rambrai.
Ha kine ki khyndiat sngi ba la dep u nongthohkhubor u la ïoh ban ïakynduh bad utei u samla bad la ïoh ban ïakren bad u ha kaba ïadei bad ka jingïoh lad jong u ban leit ïashim bynta ha kiba bun ki lympungïalehkai naduh ba sdang.
Ha kaba ïadei bad ka jingleit ïa shim bynta ha ki lympung ïalehkai utei u samla u la ong ba ka sien ba nyngkong eh ba u la lad ban leit ïa shim bynta ha ka lympung ïalehkai Muaythai kaba la pynlong hapoh ka jylla ha u snem 2023 ha kaba u la ïoh ban rah ïa ka nam lahduh na katei ka lynpung.
Ha utei u juh u snem u la shah jied ban leit mihkhmat ïa ka jylla ha ka lympung ïalehkai muaythai ha Chennai kaba la pynlong da ka United Muaythai Associtiation Tamilnadu.Ha katei ka lympung u la poi tang ha ka kyrdan kaba ar.
Nangta ha u snem ba la dep u la shah jied biang ban leit ïashim bynta ha ka 6th Meghalaya Game bad ha katei ka lympung u la ïoh ban rah ïa ka nam lahduh.
Ha ujuh u snem u la shah jied ban leit mihkhmat ïa ka jylla ha ka 6th National Muaythai Cahmpionship 2025 kaba la long ha Rotak ha ka jylla Haryana bad ha katei ka lympung ruh u la ïoh ban rah ïa ka nam lah duh.Utei u samla u la ong ruh ba ha une u snem 2026 u la shahjied ban leit mihkhmat ïa ka jylla ha ka 7th UMAI national Senïor Muaythai Championship 2026 ha ka nongbah Haryana ha ka jylla Telegana kaba la pynïaid da ka Telegana Amateur Muaythai Associtiation & WMC India hynrei ha katei ka lympung um shym la poi sha ka thong kum u lahduh hynrei u la poi tang ha ka kyrdan kaba lai.
Watla ha ka jingleit ïashim bynta ha katei ka lympung ïalehkai kaba la pynlong mynta u snem um shym la poi sha ka thong kum u lahduh hynrei na ka liang ki nongïal;am jong ka ramsningwar Football Socilal & Cultural Club ryngkat bad ki paitbah nongshong shnong ki la aikhublei kyrpang bad kitbok kit rwiang ïa utei u samla ba un nag kiew shaphrang ha katei ka jingïalehkai bad un long ruh u nongprat lynti ïa ki smala ka thaiñ ba kin minot ha ka ban pyntbit ha ki jait jingïalehkai bapher bapher bad kin don ïa ka thong ban long ki nongjop bad ban wanrah nam ia ka jylla, ka district bad ka shnong ka thaw ka shnong ka thaw.
