Lum noh ïa ka pisa ba palat `5.30 klur tyngka na ki kharkhana coke : Justice Katakey

Shillong, Rymphang 4 : Ka Committee da u Nongbishar ba la Shongthait u Justice BP Katakey ka la hukum ban leit lum ïa ka pisa ba palat 5.30.klur na ki 15 tylli ki karkhana coke bad 1,31,37,800 tyngka na ka M/s Shree Sakambari Ferro Alloy Pvt Ltd.
Ha ka kaipod ba 34 ba la aiti sha ka ïing Bishar High Court, ka Committee ka la bthah ba dei ban aiti ïa ka kaiphod hapoh ka 3 taiew”.
Ka Committee ka la ong ruh ba dei ban pyndep noh kyrkieh ïa ka jinglum ïa ka pisa kaba dei ban ïoh na kine ki karkhana.
La pyntip ïa ka Committee ba 20 tylli ki show cause notice lah dei ban ai sha ki karkhana coke ha kylleng ka Jylla, hynrei ym pat shym la ïoh satia ïa ka pisa haduh mynta.
“Ka pisa ba dei ban siew da ka M/S Shree Sakambari Ferri Alloy Plant Pvt Ltd, lah pynthymmai sha ka 1,31,37,800 tyngka bad la shim ïa ka sienjam ban lum noh ïa kane ka pisa” ong ka Committee.
Ka Committee ka la ai jingmut ban pyndep noh ïa ki kam ban lum ïa ki pisa ba dei ban ïoh hapoh ka por kaba biang, haba pynthikna ba ka Jylla ka ïoh lut ïa ka pisa ba ka dei ban ïoh.