Shillong, Rymphang 03: Ki pulit ki la ïathuh ba ha ka 1 tarik mynta u bnai ha ka por kumba 11.20 baje mynmiet, uwei u Bah Kupbor Shaphrang Lyngdoh Mairang u la pyntip sha ki pulit ba ki runar bym lah ban ithuh ki la tuh kawei ka thuk thuk kaba don u nombar ML-05AB-1150 na Shanmari, Golf Links, Shillong.
Ha kawei pat ka jingjia, u Bah Dondor War u la phah ka jingujor ba ha ka 30 tarik u Kyllalyngkot, 2026 ha ka por kumba 11 baje mynstep, u la shem ba 8 tylli ki battery, 2 tylli ki RAC card bad kawei ka CEF card ki la jah napoh ka jaka ba la pynïeng ïa u mobile tower site kaba ha shnong Ummir, Mawpdang (EKH).
