Shillong, Rymphang 01: Ka sorkar Meghalaya lyngba ka tnat Pule Puthi ka la pynmih ïa ka jngpynbna ha ka 30/01/2026 ba na ka bynta ki khynnah pule klass VI haduh klass IX dei ban hikai katkum ka syllabus kaba thymmai.
Kane ka jingkylla ïa ka syllabus kaba thymmai ka long na ka bynta ka subjek, English, ka major Indian Language, kita ki long ka Khasi, Garo bad Hindi, Mathematic, Science bad Social Science, bad ïa kane ka jingpynbna la phah ruh sha baroh ki nongpynïaid skul kiba don ha ka jylla.
Katkum ka jingpynbna la bthah ba baroh ki skul ki dei ban bud ïa kane ka syllabus kaba thymmai na ka bynta kane ka snem pule 2026, la bthah ba ïa ka syllabus kaba thymmai lah ban ïoh na ka website jong ka tnat Pule Puthi, ka www.megedcation.gov.in na ka bynta klass VI haduh klass IX bad ruh ban peit ïa ki lad jong ki jingtip kiba bniah.
