Jowai, Kyllalyngkot 30: Ki bor pynïaid ka West Jaiñtia District Sports Association, (WJDSA) kila pyntip mynta ka sngi 31 tarik u Kyllalyngkot (saitjaiñ) yn pynlong ïa ka jingïakhun Phainal jong ka lympung 17th U Kiang Nangbah Memorail Trophy ha ka kyrdan ‘Super Division Football Tournament– 2025’ kaba la sah teng ban pynlong naduh u bnai Nohprah jong u snem bala dep.
Ïa kane ka jingïakhun phainal yn ïaknieh ïa ka nam lahduh hapdeng ka Khimusniang SC pyrshah ïaka Ladthadlaboh SC haka por 1 baje nohphai sngi ha madan Kiang Nangbah Stadium Dongmihsngi Jowai.
Na ka liang u ma Wailadmiki Shylla uba dei u myntri ka kam ïalehkai Sports bad ka tnad ka koit ka khiah jong ka sorkar jylla un long kum u kongsan, katba iba wan mihkhmat na ka Jowai Co-orperative Urban Bank in long kum symbud kongsan, nalor ka jingdonlang ki nongshah khot sngewbha bad ki member ka Association.
