Shillong, K’Lyngkot 29: Ki khynnah kynthei ki tam bun shah ban ïa ki khynnah shynrang ha baroh ar tylli ki eksamin jong ka Secondary School Leaving Certeficate (SSLC) Higher Secondary School Leaving Certeficate (HSSLC) Arts & Commerce ba la pynlong da ka Meghalaya Board of School Education (MBoSE).
Katba ha ka eksamin HSSLC Commerce stream ki don bun ki khynnah shynrang ban ïa ki kynthei.
Ka eksamin jong ka SSLC kan sdang ha ka 30 tarik u Kyllalyngkot, kata mynta ka sngi Thohdieng haduh 11 tarik u Rymphang, katba ka eksamin HSSLC kan sdang ha ka 18 tarik u Rymphang haduh ka 13 tarik u Lber.
Katkum ki heh ophisar, ki don haduh 28583 hajar ngut ki khynnah kynthei ki ban ïakhun ïa ka SSLC exam haba ïa nujor bad ki khynnah shynrang kiba don tang 20,210 ngut.
Baroh ki khynnah kynthei ki ban ïakhun ïa ka exam HSSLC ha ka Arts stream ki don kumba 14402 ngut, katba ki khynnah shynrang ki don 9360 ngut.Ha ka Science stream ki khynnah kynthei ki don kumba 2319 bad ki shynrang ki don kumba 1460.
Ki khynnah shynrang ki ban ïa khun exam ha ka commerce stream ki don kumba 1440 ngut katba ki khynnah kynthei ki don kumba 1042 ngut.
