Shillong, K’Lyngkot 29: Ka Synjuk ki Seng samla shnong (SSSS) shillong city ka phah ïa u kyrwoh kitbok kit rwiang ïa baroh ki khun samla ka Bri u Hynniew trep bad ha ka jylla hi baroh kawei kiba ïaleh ïa ka exam bapher bapher jong u snem 2026 naduh ka SSLC bad HSSLC bad kiwei kiwei.
Ka Synjuk ki Seng Samla Shnong lyngba u kyrwoh ba lah phah da u Chairman u Samla Rangbah Pynshaiboklang Diengdoh ka ai mynsiem sha iwei pa iwei ki samla ba kin kiew shaphrang bad minot thop ban poi sha ka thong ha ka jingïaleh ka jong ki ha kane ka eksamin bad ban rah ruh ïa ka nam ka jaitbynriew hi baroh kawei.
“Kum ka jaitbynriew, ngi donkam shisha ba ki samla trai ri trai muluk ban ioh hi ban bat ïa ka kyrdan ba kham hajrong ha ki bynta bapher bapher” ong ka kyrwoh khubor.
Shuh shuh u Bah Diengdoh u la ong, “U Khulom Ksiar u dei u Atiar bad Waitlam ba nep ban pruid dak ban im bad shngain ka jaitbynriew, kyntang ïawai ka Synjuk ka phai khmat ban iohi ba ki khun samla ka jylla ba kin long ki Dongmusa ban tbeh jingshai ïa lade bad ïa ka pateng ka jaitbynriew baroh kawei”.
To u Blei un Kyrkhu kyrdoh ïa ka jingïaid lynti ka jong phi nangne shakhmat, pynkut ka kyrwoh.
