83 lak tylli ki SHG bad 9 klur ki longkmie ki la pynkylla ïa ka ïoh ka kot ha nongkyndong

Delhi, Rymphang 03 : Haba wanrah ïa ka Mang Tyngka ba shipor 2024-25 ha Parliament mynta ka sngi, ka Myntri sorkar pdeng ba dei khmih ïa ka Tnat Kam Pla Tyngka, ka Nirmala Sitharaman ka la pynbna ba la rai ban kyntiew ïa ka thong na ka bynta ka Lakhpati Didi na ka 2 klur sha ka 3 klur.
Ka Myntri Sorkar Pdeng ka la ong ba phra phew lai tylli ki SHG bad khyndai klur ki longkmie ki la pynkylla ïa ka jinglong ka imlang sahlang bad ka ïoh ka kot ha ki jaka nongkyndong lyngba ka jingpynkupbor bad ka jinglah kyrshan ïalade.
Ka jingjop jong ki ka la ïarap jan shi klur ki longkmie ban long Lakhpati Didi. Kilong ki nongai mynsiem ia kiwei. Ïa ki jingjop jong ki yn ithuh lyngba ka jingpynkup burom ïa ki. Ka Myntri Kam pla tyngka ka la ong namar ka jingseisoh, la kyntiew ïa ka thong na ka bynta ka LakhpatiDidi.
Ka Myntri Kam Pla Tyngka ka la ong ba u Myntri Rangbah duh jong ngi u ngeit skhem, ba ngi donkam ban phaikhmat sha ki saw tylli ki bynta ka imlang sahlang. Kine kilong‘Garib’ (kiba duk), ‘Mahilayen’ (ki longkmie), ‘Yuva’ (ki samla) bad‘Annadata’(Nongrep).
“Ki jingdonkam jong ki, ki jingangnud jong Ki bad ka bha ka miat jong ki kilong ka jingphaikhmat ba kongsan tam jong ngi.Ka ri ka kiewshaphrang, haba ki kiewshaphrang.” Ka la bynrap ba baroh saw ki donkam bad ïohpdiang ïa ka jingkyrshan jong ka sorkar ha ka thong jong ki ban ïoh ïa ka jingim kaba bit ba biang bad ka jingpynkup bor ïa ki bad ka bha ka miat jong ki kan ïalam ïa ka ri shaphrang.”
Ka la ban shuh shuh ba ka sorkar ka trei na ka bynta ka roi ka par ha baroh ki jaka, kaba poi sha baroh ki jaka bad kaba pdiang lang ïa baroh . Ka kynthup baroh ki bynta jong ka imlang sahlang bad ki briew baroh. Ka sorkar ka trei ban pynlong ia ka India ka ‘Viksit Bharat’ shuwa u snem 2047 , ka la ong. “Ban pynurlong ïa kata ka thong, ngi donkam ban kyntiew ïa ka bor treikam jong ki briew bad pynkup bor ïa ki.”