Shillong, Nailur 30: Ki BSF jong ka 04 Battalion ha ka sngi Palei ki la ïoh ban kurup haduh kumba 775 bitor ki dawai jyrhoh Phensedyl kiba shong dor kumba 1.6 lak eiei na khappud jong ka India-Bangladesh na West Jaintia Hills kiba thmu ban shalan tuh sha bangladesh.
Kine ki dawa jyrhoh Phensedyl ki dei ki jait dawai kaba la pyndonkam ban dih ha ka jaka jong ka kyiad namar ka jingbym shah die kyiad shuh ha katei ka ri.
Naduh ba sdang jong une u snem ki shipai BSF kat haduh mynta ki la ïoh ban kurup kumba 5.000 bito eiei kine ki dawai jyrhoh na ki khapud jong ka India-Bangladesh.
Na ka liang ki BSF ki la pynjur ruh ka jingpahara jong ki ban teh lakam ïa ka jingkhaïi ïa kine ki jaid dawai ban ban kem ruh ïa kiba don kti ha kane ka kam.
