6th Meghalaya Games (Football ): Khur jingjop ka WKH, WJH, SWKH bad ka EJH

0

Shillong, Kyllalyngkot 17: Ki jingïalehkai phutbol jong ka 6th Meghalaya Games 2025 ka la ïai bteng ban sakhi ïa katto katne ki jingïalehkai kiba itynnat ha ka kyrdan Under-17 jong ki shynrang ba la pynlong ha Kiang Nangbah Football Stadium hynne ka sngi thohdieng.
Kiba la khur jingjop hynne ka sngi ki long ka West Khasi Hills, West Jaintia Hills, South West Khasi Hills bad ka East Jaintia Hills.
Ha ka jingïalehkai kaba nyngkong la sakhi ïa ka West Khasi Hills kaba la jop suk da 3 kol ïa ka Eastern West Khasi Hills. Nangta ha ka jingïalehkai kaba bud la sakhi ïa ka West Jaintia Hills kaba la synshar donbor ban jop kput haduh 9-0 kol ïa ka South West Garo Hills.
Ha ka jingïalehkai kaba lai, ka South West Khasi Hills ka la pynliem da 8-3 kol ïa ka West Garo Hills. Ha ka jingïakhun kaba khadduh ka East Jaintia Hills ka la pynliem ïa ka North Garo Hills da 3-0 kol.
Kumban shu pynkynmaw, ki jingïalehkai jong ka 6th Meghalaya Games 2025, kaba la sdang naduh ka 15 tarik Kyllalyngkot, 2025, kan bteng haduh ka 25 tarik Kyllalyngkot, 2025, ban kynthup ïa 3500 ngut ki nongïalehkai ban shimbynta ha ki 29 tylli ki jingïalehkai, kynthup bad saw tylli ki demo sport.

Leave A Reply

Your email address will not be published.