New Delhi, Nailur, 14: Ka Doordarshan, ïa kaba la seng ha ka 15 tarik u Nailur, 1959, ka dei ka dak jong ka jingsdang ka juk broadcasting ha India. Kum ka kynhun ai jingpynbna hapoh ka Sorkar India, ka dei kawei na ki ar tylli ki bynta ka Prasar Bharati. Mynta, Ka Doordarshan ka bteng ban long ka kynhun broadcast ba heh tam ha India, ha ryngkat ka rynsan kaba ïar jong ki studio bad ki transmitter. Ka pynbiang ïa ki jingai jingshakri television, online, bad mobile kaba poi sha ki jaka sor bad ki thaiñ bapher bapher bad ruh shabar ri.
Ka Doordarshan ka la sdang kum ka jingpyrshang kaba rit ha ka kam pynbiang prokram ïa ki paidbah. U President jong ka Ri India ha kato ka por, Rajendra Prasad u la pyllait paidbah ïa ka broadcast kaba nyngkong ha ka 15 tarik u Nailur, 1959. Ha u 1959, ka kompani na Europe ka la pyni ïa ki tiar closed-circuit TV ha kawei ka prokram. Haba kut kane ka prokram, la ai sngewbha ïa kine ki tiar ïa ki briew jong ka India.
Kane ka jingpyrshang ka la long ka jingai jingshakri kaba man ka por ha u snem 1965 haba ka Doordarshan ka la sdang ban phah ïa ki signal sha ki iing ha ka nongbah jong ka ri, New Delhi. Katba ynda poi u snem 1972 la pynïar ïa ki jingai jingshakri sha Mumbai bad Amritsar bad shuwa u snem 1957, sa sha hynniew tylli ki nongbah. Haduh u snem 1975 ka ju long shi bynta ka All India Radio. Ha ka 1 tarik u Ïaiong, 1976, ka la kylla sha ka tnad lajong hapoh ka Tnad Information and Broadcasting bad hadien ka la wan hapoh ka Prasar Bharati.
La saiñdur ïa ka dur kaba thymmai da ka National Institute of Design bad la thaw ïa ka sur jingrwai ba kyrpang da u Pandit Ravi Shankar. Ka telecast ba nyngkong haba la pyndonkam ïa ki rong ka dei ha ka 15 tarik u Nailar, 1982, haba la sdang ïa ka national program.
Ka jinglong jingman mynta
Kat dang ïaid ki snem, ka Doordarshan ka la kylla sha ka rynsan kaba pyntreikam 35 tylli ki satellite channel bad na kine, 6 ki dei ki All India channel bad 22 ki dei ki Regional Channel (24X7). Shuh shuh, ka DD ka pyntreikam 6 tylli ki Regional (Non 24X7) bad 1 ka International Channel. Ki don kumba 59 tylli ki transmitter. Ha ryngkat kine baroh, ka Doordarshan ka pyntreikam ïa ka jingai jingshakri DD DTH “DD Free Dish” na ka Earth Station, Todapur, Delhi.
Ki prokram Doordarshan ba prat lynti
Ki prokram ba ka Doordarshan ka pynmih ki long kiba bha tam. Wat hapdeng ki jingeh bad ka jing duna ha ka teknoloji, ki prokram kum ka Ramayana, Mahabharat, Hum Log, Buniyaad, Malgudi Days, bad Udaan ki dei ki nuksa jong ki prokram ba bha. Ka Doordarshan ka la pynbiang program ïa ki pateng bad ka bteng ban don ka bynta kaba khraw ha ka jingai jingtip.
Ki sienjam jong ka Doordarshan ha ka por jong ka khlam COVID
Ka lad ai jingip jong ka India ïa ki paidbah wat hapdeng ka khlam COVID-19 bad ki jingkhang dam ka la ïatrei lang bad ki kynhun Sorkar Jylla, ha ryngkat ka All India Radio ban ai ïa ki virtual class bad kiwei kiwei ki prokram ai jinghikai lyngba ki regional channel ha kylleng ka ri ha ka TV, Radio, bad YouTube. Namar ka jing bym don ki klas ha ki skul, kine ki virtual klas ki la ïarap ïa ki lak ngut ki shahhikai, khamtam ki khynnah klas 10 bad 10 ban pynkhreh ïa ki eksam board bad kiwei kiwei ki eksam.
Shuh shuh, ban pynsngewtynnad ïa ka kam ïoh jinghikai, ha ryngkat ki prokram ai jinghikai, ki virtual klas ha katto katne ki jylla ki kynthup ïa ki jingïathuh khana da ki riewpawkhmat bad ruh ki prokram quiz.
Ka jingkyntiew ïa ka teknoloji ha ka DD
Ka Doordarshan Kisan ka la pyllait paidbah ïa ar tylli ki AI anchor — AI Krish bad AI Bhoomi. Kine ki AI anchor ki pynlong ïa ka Doordarshan Kisan ka TV channel Sorkar kaba nyngkong ha India ban pyndonkam ïa ka artificial intelligence ha kane ka rukom. La saiñdur ïa kine ki AI anchor ban long kum ki briew shisha, kiba lah ban ai khubor baroh shi sngi, baroh shi taiew khlem sangeh. Kine ki AI anchor ki lah ban kren 50 jait ki ktien.
DD Free Dish
Ka jingai jingshakri DD FreeDish DTH ka dei kaba long trai bad pyntreikam da ka nongai broadcast ïa ki paidbah, Prasar Bharati. Ka dei tang ka DD FreeDish kaba long ka jingai jingshakri Free-to-Air (FTA) Direct-To-Home (DTH) ha kaba ki briew kim donkam ban ai jingsiew man u bnai. Ka long kaba jem dor bha ha kaba ki briew ki ai jingsiew tang shisien kaba T. 1500/- haduh 2000/- ban theid ïa kaSet-top-Box (STB) bad ka Dish Antenna ba rit.
Katkum ka, FICCI-EY haduh u Kyllalyngkot 2024, DD Free Dish ka don 167 tylli ki MPEG2) channel ba kynthup 37 tylli ki channel Doordarshan, 51 tylli ki channel ai jinghikai bad 79 tylli ki channel shimet ha ryngkat 22 tylli ki MPEG4 channel. Kane ka la pynthikna ba ka DD Free Dish ka dei ka rynsan DTH kaba heh tam bad mynta ka DD Free Dish ka poi sha kumba 45 million tylli ki longiing (katkum ka kaiphod FICCI E&Y 2023).
Ki Mat Ba Kongsan
Ban sdang ïa ki 65 snem ka jingjop ka Doordarshan, la sdang ïa ka social media campaign #DilseDD@65. Hapoh kane, la pynsaphriang ïa ka thong jong ka DD bad ki briew lyngba ki video.
Ka DD mynta ka pynbiang ïa ki prokram bapher bapher ban pynbyrngia bad ai jinghikai ruh ïa ki briew. Ki briew ki lah ban sdang ïa ka sngi jong ki da ka Divya Darshan of Ramlalla ha ka por 6:00 baje mynstep, peit ïa ka live broadcast jong ka Aarti ba Kyntang na Ayodhya. Ka channel ka don ruh ïa ki prokram kiba ïadei bad ka jingngeit bad ka niam, ba kynthup ïa ka Usha Parinaya, Aradhana, Mahabharat, Sai Baba, bad Sankat Mochan Hanuman.
Na ka bynta kiba dang kham khynnah, ka DD ka la wanrah ïa ki prokram ba pyni man ka sngi kum ka Models and Hum Toh Middle Class Hain Ji. Shuh shuh, ka channel ka dang pyni ïa ki prokram ba phylla kum ka Cyber Crime ki Duniya Bach Ke Rehna, Desi Rasoi Se, bad Khet Khet Mein.
Ka Sorkar ka la ai jingmynjur ïa ka jingbteng ïa ka Skhim Sorkar Pdeng “Broadcasting Infrastructure and Network Development” ïa kaba la mang tyngka T. 2539.61 klur na ka bynta u 2021-26 kaba don shibun ki bynta ba kynthup ïa ka jingpynïar ïa ka jingpynpoi ïa ki kam ai jingpyntip sha ki jaka ba jynjar ban poi, ki rilum, kin jaka ba shah ktah ha ki kam Left-Wing Extremism, ki jaka khappud, ki aspirational distrik bad kiwei kiwei ki jaka ba kongsan na ka bynta ka ri.
Katkum ka phang Naye Bharat Ka Naya Doordarshan, Doordarshan ka la pynmih ïa ka prokram Swaraj- Bharat Ke Swatantrata Sangram Ki Samagra Gatha, kaba do 75 bynta kiba pyni ïa ka histori ba khraw jong ka jingïakhun ka India ban ïoh jinglaitluid.
Ha ka por jong ka pakhang dam namar ka khlam covid, ka Doordarshan ka la thaw ïa ki rekod ha kaba ïadei bad ki briew kiba peit ïa ki prokram. Ïa ki prokram ba rim la pyni biang ha ka DD National bad DD Bharati.
Sa ha kawei ka sienjam ban pynïahap ïa ka rynsan DD bad kine ki por ba kylla sted, ka DD SPORTS ka la kylla sha ka DD SPORTS HD. Kane ka la plie lad ïa ki nongpeit ba kin peit ïa ki lympung ïalehkai hapdeng ki ri ha ka High-Definition transmission.
Ka Prasar Bharati ka don ka bynta kaba khraw ha ka jingtei ïa ka ri bad ka peit bniah ïa ka jingpynbiang ïa ki prokram kiba don jingmut ïa baroh hapoh bad shabar ka ri. (Haduh u Nohprah 2023) ka Prasar Bharati ka la soi 46 tylli ki MoU bad ki ri bapher bapher.
Na ka bynta ka Arunachal Pradesh, la sdang ïa ka DD Arunprabha channel da u Myntri Rangbah Duh ha ka 9 tarik u Rymphang 2019.
Ha ka 7 tarik u Lber, 2022, ka Prasar Bharati ka la soi ïa ka Memorandum of Understanding bad ka ‘Yupp TV’, ka rynsan over-the-top (OTT) kaba long ka lad na ka bynta ki nongpeit prokram na kylleng ka pyrthei. Lyngba kane, kam DD India mynta ka don ha ka rynsan OTT jong ka Yupp TV ha USA, UK, Europe, Middle East, Singapore, Australia bad New Zealand.
Namar ki jingkylla katba dang ïaid ka por, ka Doordarshan ka dang pynkylla ïalade bad ka la ïoh mynta ïa ka jinglong kaba thymmai. Ka DD National, ka channel ba kongsan jong ka Doordarshan Network ka la sdang ïa ki prokram ba thymmai. Ha ka sien kaba nyngkong ka Subhash Ghai na Bollywood u la wanrah ïa ka TV series kaba tip kum ka Jaanki.
Ka DD National ka la shim ïa ki sienjam ba thymmai kum ka jingsdang ïa ka Hindi feature film kaba man ka sngi, ka magazine show mynstep – DD Morning Show, bad ka jingpynthymmai ïa ka Chitrahaar bad Rangoli kiba long ki prokram ba ïaid iew bha jong ka Doordarshan.
Ka YouTube channel jong ki khynnah na Mumbai PunToon Kids ka la ïatreilang bad ka Doordarshan ban pyni ïa ki prokram jong ka ha ka DD.
