Shillong, Nohprah, 08: Ka District Election Committee (DEC) jong ka United Democratic Party (UDP) Shillong City ha ka sngi Saitjaiñ ka la mynjur ïa ka kyrteng jong ki saw ngut ki kyrtong ïa kiba la phah sha ka State Election Committee jong ka party ban ai jingmynjur.
Ha u kyrwoh ba la phah da u Secretary u Bah Allantry F. Dkhar ki saw ngut ki kyrteng jong ki kyrtong kiba la ai jingmynjur ba kin aireng ha ka elekshon sha ka Ingdorbar Thawaiñ jong ka Khasi Hills Autonomous District Council (KHADC) ki kynthup ïa u Bah Mitchel Wankhar na Laban – Mawprem, Bah Auguster Jyrwa na Jaïaw, u Bah James Ban Basaïawmoit na Mawkhar Pynthorumkhrah bad u Bah Desmond K.L. Mawlong na Nongthymmai.
