Jowai, Rymphang 12: Ki don haduh saw ngut ki kyrtong MDC ki ban ïakhun na Jowai North Constituency kiba la sdang ban leit ialap elekshon sha kylleng ki jaka kiba hap hapoh ka Constituency.
Kine ki saw ngut ki kyrtong na Jowai North ki kynthup ïa u Bah Awhai Andrew Shullai na ka VPP uba dei ruh u Sitting MDC, u Bah Dachemlok Isniaw Kjam na ka NPP, u Bah Marki Mulieh na ka UDP bad u Bah Khroo Lamsalanki Pariat kum u kyrtong shimet.
Napdeng kine ki kyrtong kiba la pynkhreh bah ban ïa aireng kin sa tip ïa ka rai ba khadduh ha ka 24 tarik Rymphang, kaba dei ka sngi ñiew vote na ka bynta ban jied uwei napdeng kitei ki san ngut kum u MDC u ban leit mihkhat sha ka JHADC,
Ki shnong kiba hap hapoh ka Jowai-North ki long ka Iawmusiang-A, Iawmutiang-B, Moosalyngkat, Lumsooiung Newhill, Ladthadlaboh-A Playground Area, Riatmulaiñ, Ladthadlaboh-B Main Road, P.W.D. Campus, Tyndowapung, Caroline Colony, Ladthadlaboh-C. Mooralong, Lumpariat, Mookyrdup, Salaroh, Mission Compound-A, Mission Compound-B, Lumkyrwiang. Chilliangraij-A, Chilliangraij-B, Umshangiar, Iongpiah-A, Iongpiah- B, Lumïongkjam, Pynthorlangteiñ, Tpep Pale, Chutwakhu-A, Chutwakhu-B, Muphlang.
