Shillong, Kyllalyngkot 13 : Ki saw ngut ki nongïalehkai Karate jong ka All Meghalaya Karate-Do Association (AMKA) hapoh ka jingïalam u Bah Donboklang Lyngdoh kum u coach kin leit ban ïashim bynta ha ka Champion of Champion Karate League 2023 kaban long ha Talkotara Indoor Stadium, New Delhi.
Katei ka lympung kan sdang naduh ka 14 tarik haduh 15 tarik Kyllalyngkot 2023. Ki saw ngut ki nongïalehkai Karate kiba la shah jied ban mihkhmat ïa ka jylla sha katei ka lympung ha New Delhi ki kynthup u Josanky Rympei (Men -50Kg Individual Kumite), Davyson Kharkongor (Men -50Kg Individual Kumite), u Cheltis Shylla (Men -50Kg Individual Kumite) bad u Ïalamphang Kharkongor (Men -75Kg Individual Kumite).
