Jowai, Nailar 09: Ka lympung ïalehkai phutbol bala tip kum ka “4th U Adelbert Laloo Memorial Trophy” jong ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long hynne ka sngi Thohdieng (9 tarik u Nailar) ha madan Kiang Nangbah Stadium Dongmihsngi, Jowai.
Ar tylli ki kynhun ba kynthup ïa ka Pynthor Langtein bad Luti tuber Ialong ki la khur jingjop ha ki jingïalehkai ba la long ha kane ka sngi.
Ka Pynthor Langtein kala khur jingjop khlem jingïakhun ïa ka FAM (walk over).
Haba phai pat sha ka jingïakhun kaba ar, la sakhi ïa ka Luti tuber Ialong kala pynliem noh da 2-0 kol ïa ka Mookynphad Mihmyntdu. Ki kol na ka Luti tuber Ialong la thep da u Chalinstar Lyngdoh (29 min) bad u Damon Pale (59 min).
