3rd Division EJHDFA : Jop ka Ryntihlang, Ratacherra, Wapungskur

Khliehriat, Nailur 03: Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 3 tarik u Nailur ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Ryntihlang SC Brichyrnot kala pynliem da 1-0 kol ïa ka Sonapyrdi FSC, ïa katei ka shikol na ka Ryntihlang SC Brichyrnot la thep da u Thomas Muksor haka minit ba 15 jong ka kylla step.
Ha ka jingïakhun kaba ar ka Ratacherra SCS kala pynliem da 7-0 kol ïa ka Pynurkba Christian SC, ïa ki kol na ka Ratacherra SCS la thep san kol marwei da u Gradely Mylliem ha ka minit ba 14, 19, 33, 38 & 53, u Aibanshkem Surong haka minit ba 15 bad u Daily Khonglah haka minit ba 75 jong ka kylla miet.
Katba ha ka jingïakhun kaba lai ka ka Wapungskur SSWO kala pynliem da 3-2 kol ïa ka Mookympad SSCC, ïa ka kol na ka Wapungskur SSWO la thep da u Wallam Siangshai haka minit ba 17, u Langki Suchiang haka minit ba 26 bad u Bamon Myrchiang haka minit ba 65. Ïa ka kol na ka Mookympad SSCC la thep da u Albert Sutnga haka minit ba 46 bad u Forme Syrti haka minit ba 72, ka jingïalehkai hapdeng kine ki ar kynhun kala long kaba ïakhaid bha baroh arliang.
Ha kane ka juh ka sngi la leh burom ïa ki referees jong ka EJHDFA da kaba sam ïa ki T-Shirt kiba la synñiang da u Chairman ka Referees Committee ma Joshua Sajem, ha ryngkat ka jingïadonlang ki dkhot ka EJHDFA.