Shillong, Naiwieng 27 : Ka Meghalaya State Government Employees Federation (MSGEF) ka la pynbna ba kan don ka jingkynduh lang lane ka Federal General Council ha ka 30tarik mynta u bnai ha State Central Library Auditorium ban jied ïa ki nongkitkam ba thymmai.
Katkum ka kyrwoh ba la phah da u Bah M Marbaniang, Secretary General ka MSGEF la ong ba ka sorkar ka la ailad da ka shuti kyrpang ïa baroh ki president bad secretary jong ki synjuk ba la pynïasoh bad ruh ïa ki nongtrei sorkar ba kin mih na ki jaka treikam jong ki ha ka por 2:00 baje ban shim bynta ha katei ka jingkynduh lang.
