Shillong, Lber, 16: Ka ophis jong u Executive Engineer jong ka PHE Electrical Division ka la pynbna paidbah khamtam ïa ki nongshong shnong jong ka Mawlai (Umsohlang) ba kan don ka jing bym sam ïa ka um na ka bynta ki 3 sngi kaban treikam naduh ka 18 tarik mynta u bnai haduh ka 20 tarik mynta u bnai na ka daw jong ka jingpynkhuid ïa ka wahduid Umsohlang bad kiwei pat ki kam kiba kyrkieh.
Ki jaka ki ban shah ktah na kane ka jingkhang sam um kin long ka Kynton Massar, ka Umjaïur, Mawdatbaki, Phudmuri, Syllai kariah, Motsyiar, Nonglum, ïewrynghep, Nongkwar, Mawroh, Nongpdeng, Patarim bad Umthlong.
Ka jingsam biang ïa ka um kan sdang biang naduh ka 21 tarik ha ka nohphai sngi. Kumta la kyrpad ïa ki nongshong shnong ban pyllang lypa ïa ka um na ka bynta ban pyndonkam ha kitei ki sngi ban ym sam ïa ka um, na ka bynta kine ki daw ki bym lah kiar na ka liang ka ophis ka pynpaw ïa ka jingsngewkhia.
