Shillong, Jylliew 25 : Ka Khasi Hills Autonomous District Council (KHADC) ka la ïoh ban lum ïa ka khajna kaba kot sha ka 3,49,147 tyngka kum ka bhah kaba long shi bynta na ka phra bynta na ki Hima bad Elaka ha ka Financial year 2024-25.
Ïa kane la pyntip da u Chief Executive Member ka KHADC, Bah Shemborlang Rynjah ha ka Dorbar Mangtyngka jong ka Council ha kane ka sngi Balang.
Kane ka jinglum khajna ka la kham duna lada nujor bad ka 11,24,315 tyngka kba la ïoh lum ha ka snem 2024-24. Hynrei na ka liang u CEM u la pynshai ba ka jingduna ka jingïoh lum khajna kadei namar ka jingbym siew tikna da ki Hima bad Elaka.
Katkum ka jingïathuh jong u, ki don tang kumba 5 tylli ki Hima/Elaka kiba ju siew tikna katba ki 26 tylli kiwei pat kim ju siew tikna bad 21 tylli lei lei kim pat ju siew khajna mynta la bun snem bha.
Kumta, u CEM u la ong ba ka Executive Committee shen kan sa pan jingpynshai na baroh ki Hima bad Elaka halor kane ka phang ha ka jingïalang kaban sa long shen.
