Jowai, Nailur 07: Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 bala pynïaid da ka West Jaiñtia District Sports Association (WJDSA) kaba la long hynne ka Sngi Palei ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Lion SC kala la lah ban pynliem da 4-0 kol ïa ka NSA, ïa ki kol na ka Lion SC la thep haduh saw kol marwei da u Chanmitre Dkhar kata haka minit ba 22, 25, 28 & 74.
Lyngka kane ka jingjop ka Lion SC kala ïoh ban rung sha ka Quarter Final jong kane ka lympung kum ka Top Team bad ka Mooknor Thadmuthlong kum ka 2nd Top Team.
Ka jingïakhun lashai ka sngi 8 tarik u Nailur kan long hapdeng ka Panaliar pyrshah ïa ka Shangpung Khliehmuchut haka por 12 baje mynsngi.
