Jowai, Nailar 23: Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 ba la pynïaid da ka West Jaiñtia District Sports Association (WJDSA) kaba la long mynta ka sngi Balang ha madan Kiang Nangbah Stadium, Dongmihsngi Jowai.
Haba phai sha ka jingïakhun hapdeng ka Lumpariat pyrshah ïa ka West Madan Mustem, na ka liang ka Lumpariat kala lah ban pynliem da 2-0 kol ïa ka West Madan Mustem, ïa ki kol na ka Lumpariat la thep da u Mario Syndai haka minit ba 70 bad kawei ka kol la kum thep bakla da u Lovingstar Papiah (own goal) haka minit ba 74.
Katba haka jingïakhun kaba dei ban long hapdeng ka Dongmihsngi pyrshah ïa ka Chutwakhu la hap ban pynsangeh noh na ka daw ka jingpynthut jong ki bor mariang.
Ka jingïakhun ha ka sngi 25 tarik u Nailar kan long hapdeng ka Chilliangraij pyrshah ïa ka NSA haka por 12 baje mynsngi, katba ka Mooknor Thadmuthlong kan ïakhun pyrshah ïa ka Lion SC ha ka por 2 baje nohphai sngi.
