Jowai, Nailur 02: Ka Iongshiwiat, ka Lumkynter SC bad ka Myngkrem SC ki la jop ïa la ki jong ki jingïalehkai ha ka lympung phutbol (L) Joybell Suiam Memorial Football League 2026 kyrdan Second Division ba la pynïaid da ka Thadlaskieñ Sport Association, kiba la long hynne ka sngi Balang, ha madan Wahiajer Multi Sports Complex Stadium.
Ka jingïakhun kaba nyngkong la sakhi ïa ka Iongshiwiat kaba la wanphai na ka 2 kol ban pynliem ïa ka Ryntih Mynsngat da 3-2. Ka Ryntih Mynsngat ka la ïoh ba kan lamkhmat haduh 2 kol tang hapoh 14 minit lyngba u Carlos Thubru (9’) bad u Shaipyrkhat Siangshai (14’).
Hynrei ka Iongshiwiat ka la pynïakhaid shuwa ban jam sha ka por shongthait lyngba u Chanki Dkhar (41’) bad u Chibor Phawa (43’). Nangta ha ka kylla miet u Daunibiang Lyngdoh (58’) u la thep ïa ka namtam kaba la rai ïa ka namjop.
Haka jingïakhun kaba ar, ka shi kol jong u Plielad Dkhar (46’) ka la paw ba ka la biang ïa ka Lumkynter SC ban khur ïa ka jingjop da 1-0 pyrshah ïa ka Hunlang FC Rakabah.
Ha ka jingïalehkai kaba khatduh, ka Myngkrem SC kala pynliem noh da 2-0 kol ïaka Iawpynsin SC Wahiajer. Baroh ar tylli ki kol la thep da u Arisoki Khynriam, kaba nyngkong haka minit ba 38 bud sa kaba ar ha ka minit kaba 49.
Ki jingïakhun ha kane ka sngi Palei (03/09/2026): Por 10 baje mynstep ka Modymmai SC kan ïakhun pyrshah ïaka Maskut SC; Por 12 baje mynsngi ka Maia Club Wahiajer pyrshah ïaka Niriang pdienlum; ka jingïalehkai ba khatduh ha ka por 2 baje nohphai sngi ka Tympang SC Wahiajer kan ïakhun pyrshah ïaka Iawthymblien SC.
