Shillong, Risaw 26 : Ka National People’s Party (NPP) kan sa pdiang burom ïa u Bah Kansing Lynshiang ha ka 29tarik mynta u bnai ha ka por 10:30 mynstep ha shnong Jongksha bad pynbna ruh ïa u kum u kyrtong ka NPP na Mawkynrew constituency. Ha kaba nyngkong ka NPP ka la pynbeit ban pdiang burom ïa u bah Kansing Lynshiang ha ka 26tarik mynta u bnai hynrei namar ka jingjur u slap la rah noh sha ka 29 tarik.
Ïa u bah Kansing yn pdiang burom ha kane ka sngi da u da u Conrad K Sangma uba dei u National President ka NPP, Bah Prestone Tynsong, NationalVice-President NPP, ki MLA, MDC bad kiwei kiwei.
Lah ban kdew hangne ba u Bah Kansing u la mih noh na ka Seng Congress tang hadien khyndiat por ba u la rung sha ka Seng ha ka jingïalam u Bah Vincent Pala.
