Nongstoiñ, Nailar 01: Ka Ïingkashari Special Judge (POCSO) Nongstoiñ, ka la hukum ban set along haduh 20 snem lem bad ka kuna ba T 20.000 ïa uwei u runar u ba leh beijot ïa ar ngut ki shipara ba dang khynnah ha ka thaiñ Mawshynrut.
Une u runar u kyrteng u Basil Marngar ïa uba la register case hapoh ka Mawshynrut Police Station kat kum ki kyndon 5(I) (n)/6 3(b)/4 ka POCSO Act.
Ïa kane ka case la tohkit da ka WPSI DP Nongbri jong ka Nongstoiñ Women Police Station kaba la charge sheet katkum ki kyndon ba la pynngat nalor ka kyndon 506 IPC.
Ka Ïingkashari ha ka 30 tarik Naitung, hadien ba bishar ïa ki sakhi satar, ka la rai pynrem ïa u Basil bad hukum ban set along haduh 20 snem lem bad ka kun kaba T.20,000 ne ka shong along ba 6 bnai lada ym lah siew ïa ka kuna.
