Tura, Nailur 07 : Ka Iing Bishar Session Judge ka South Garo Hills, kala rai pynrem ïa saw ngut ki briew kiba rung beaiñ sha India khlem ki kot ki sla bad phah set phatok ïa ki hapoh ka Foreigners Act, 1946.
Ha ka mukotduma ba nynkong (Gasuapara PS Case No. 03/2025), ba la tohkit da u SI Rush T.Sangma, la chargesheet ha ka 6 tarik Jymmang 2025. Hadien ka jingbishar ïa kane ka mukotduma State of Meghalaya vs. Nazir Miah, Shuyal Miah, bad Faysal Miah, u Sessions Judge Febroneous Silkam Sangma ula shem ïa kine ki lai ngut ba ki pynkheiñ ïa ka kyndon 14A(b) jong ka Foreigners Act.
ïa kine la phah set phatok arsnem bad ka kuna T.20,000 nalor arbnai lada kim lah siew ïa ka kuna.
Ha kawei pat ka mukotduma (Baghmara PS Case No. 03/2025), la chargesheet ha ka 31 tarik Jymmang, 2025. U nongshah kynnoh, Hafikul Islam, ula shah pynngat hapoh ka kyndon 14A (b) jong ka Foreigners Act namar ka jingrung beaiñ.
La hukum ban set phatok haduh 2 snem ïa une u briew bad ka kuna ba T.10,000 nalor arbnai lada um lah ban siew ïa ka kuna.
