1st Division : Ïakhaid ka Shangpung Moosyiem bad Luti Tuber Ialong SC da 1-1

0

Jowai, Risaw 14 : Ka lympung ïalehkai jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba la long mynta ka sngi ha Kiang Nangbah Stadium, Jowai.
Ïa kane ka lympung la pynïaid da ka West Jaiñtia District Sports Association (WJDSA) shi bynta na ka jingrakhe jubilee ksiar jong ka Association kaba la jam sha u mawmer ba 50 snem jong ka jingshakri ban pynkiew ïa ka kam ïalehkai Sports hapoh ka District.
Haba phai sha ka jingïakhun mynta ka sngi kala long kaba ïakhaid bha na baroh ar liang manla kata hapdeng ka kynhun ïalehkai jong ka Shangpung Moosyiem SC pyrshah ïa ka Luti Tuber Ialong SC namar haduh ba kut jong ka jingïakhun kila ïasam mar shikol da 1-1.
Ïa ka kol na ka Luti tuber Ialong SC la thep da u Richard Dhar ha ka minit ba 25 jong ka kylla step. Katba naka liang ka Shangpung Moosyiem SC kala ïoh ban pynphai kylla ïaka shikol lyngba u Ebormi Lyngdoh ha ka minit ba 63 jong ka kylla miet, haduh ba kut jong ka jingïakhun kila poi noh sha ka jingïakhaid da mar 1-1 kol.
Ka jingïakhun lashai ka sngi 15 tarik kan long hadpeng ka Moosalyngkat SC pyrshah ïa ka Wahiajer SC ha ka por 2 baje shiteng nohphai sngi.

Leave A Reply

Your email address will not be published.