Shillong, Rymphang 19: Ka jingïalehkai jong ka lympung 1st DIVISION Football League 2023-24 ba la pynïaid da ka Shillong Sports Association ha madan SSA Ground, Polo, hynne ka sngi hapdeng ka Malki SC pyrshah ïa ka Mawkhar SC ka la jam sha kaba kut ha ka jingïakhaid. Baroh ar kynhun ki la ïoh ban thep mar shi kol. Haba phai sha ka jingïakhun, ka kylla step ka la kut khlem da don mano mano ba lah ban pynkhihjar. Hynrei ynda la sdang ïa ka jingïakhun ha ka kylla kaba ar ba ka Mawkhar SC ka la ïoh ban tam hadien ka kol u Edmonwell Mukhim kaba la thep ha ka minit ba 61.
Na ka liang jong ka Malki SC kam shym la kynrandien na kane ka jingïakhun tad haduh ba kan da ïoh pynïakhaid shuwa ban wai artad ka jingïalehkai lyngba ka kol u Fashion Syngkli (90+3 min).
Ka jingïakhun mynta ka sngi kan sdang biang ha ka por 2:45 baje nohphaisngi ha madan SSA Ground, bad ka jingïakhun kan long hapdeng ka Lawsohtun SC pyrshah ïa ka Umphyrnai SC.
