Jowai, Naiwieng 10: Ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament – 2023 bala pynïaid da ka West Jaiñtia District Sports Association, (WJDSA) Jowai ka la poi sha ka jingïakhun Semi Final kaba la long hynne ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun Semi Final kaba nyngkong na ka liang ka kynhun ïalehkai jong ka Demthring kala lah ban pynliem da 4-2 kol ïa ka Dulong lyngba ka jingïashut Tie Breaker.
Kine ki ar kynhun haka jingïakhun jong ka kylla step bad ka kylla miet kim shem la ïoh ban thep kol na baroh ar liang tad haduh ka jingïakhun Extra Time bad dei da ka jingïakhaid na ka liang ki bor pynïaid ki la hap ban pynïashut da ka Tie Breaker ban rai ïa ka nongjop jong kane ka jingïakhun. Lyngba kane ka jingjop ka Demthriang kala buh jaka ïalade ha ka jingïakhun Phainal.
Ka jingïakhun Semi Final ba ar kan long hapdeng ka Wahiajer pyrshah ïa ka Nangbah Iawmusiang.
