Shillong, Naiwieng 11: Kum shi bynta ka jingrakhe pyndon burom ia ka Seng Kut, ka Rongbiria Seng Kut Snem Komiti, ka Seng Khasi Kmie, Mawkhar, Shillong kan pynlong ia ka Rong Biria Seng Kut Snem 2026, ha ka 15 tarik u Naiwieng 2026, ha madan 2nd’ Ground, Polo, Shillong.
Ka jingiakob kan long ha ki ar bynta, kawei kan dei ka iakob siat kynhun, ha kaba ka lahduh kan ioh ia ka song pisa kaba long T. 35,000.00, ka kynhun ba wan ba-ar 15,000.00 bad kaba wan ba-lai kin ioh mar 5,000.00.
Haba phai sha ka iakob siat kaba para marwei pat, u lahduh un ioh ba un khur ia ka song pisa kaba long 15,000.00, ryngkat bad u Nam Rupa, ba-ar 7,000.00 bad ba wan ba-lai 5,000.00.
Ka jingpdiang ia ki kyrteng ki nongwan iashim bynta kan sdang naduh ka por 10 baje mynstep haduh 12:30 nohphai sngi“Kumta, ka Seng Khasi Kmie ka ïalap ïawer ïa baroh ki Rangbiria ka Bri Hynñiew Trep ban wan ïashim bynta ha kane ka sngi ban pynphuh pynphieng ïa ka Rongbiria kumba la ai da ka Mei-Hukum.
Kane ka long kat kum ka kyrwoh u Rgh D.G Kharpuri, Secretary ka Rongbiria Seng Kut Snem Komiti, ka Seng Khasi Kmie, Mawkhar, Shillong.
