Shillong, Naiwieng, 25: Ka Sorkar Meghalaya ka la ïoh pdiang ïa ka pisa T. 1,0 8,83,36,926 klur na kabynta ban sam ïa ka baibam (scholarship) sha ki 49,628 ngut ki samla pule ba dei ban ïoh jingmyntoi.
Ka kyrwoh ba la phah ha ka Lah Sngi u Blei, ka ong, “ka Directorate of Higher & Technical Education ka la ïoh pdiang ïa ka pisa T. 1,08,83,36,926 klur na kabynta ban sam ïa ka bambai, kaba long T. 98,08,91,9521 klur ba la pyllait na ka Ministry of Tribal Affairs, ka Sorkar India kum ka bhah jong ka Sorkar Pdeng bad T. 10,89,87,995 klur na ka Sorkar Meghalaya kum ka bhah jong ka sorkar Jylla.
Ka la pyntip ba ladep ban siew sha ki 49,628 ngut ki nongïoh jingmyntoi kiba dei ban ïoh pdiang ïa ka baibam.
La ïoh pdiang ïa ka first instalment kaba T. 42,32,13,280 (bhah na ka Sorkar Pdeng: T. 38,09,9,952 bad ka bhah ka Sorkar Jylla = T. 4,23,2I,328) ban siew sha ki 17,364 ngut ki nongïoh jingmyntoi.
Ïa ka second installment kaba T. 66,66,66,6671 (bhah sorkar pdeng = T. 60,00,00,000 bad bhah sorkar jylla = T. 6,66,66,667) la ïoh pdiang bad la sam sah ki 32,064 ngut ki nongïoh jingmyntoi.
Ka kyrwoh ka la pyntip ba ki 27,127 ngut ki nongïoh jingmyntoi ba dang sah kin sa ïoh ïa ka bhah tang shu pyllait pisa ka Ministry of Tribal Affairs, Sorkar India ïa ka third installment.
“Ka tnat ka dang ïai buddien na ka Sorkar India na ka bynta ïoh ïa ka pisa jong ka third installment. Ngi kular ban pynthikna ba baroh ki samla pule kiba dei hok kin ïoh ïa ka baibam jong ki ha ka por kaba biang,” ong u Director ka Higher and Technical Education.
