Nongstoiñ, Risaw, 13: Ka Kashari jong u Special Judge (POCSO)West Khasi Hills District ha ka sngi Balang ka la rai pynrem ïa u Emanuel Marweiñ uba dei na ka shnong Sohparu, West Khasi Hills ha kaba ïadei bad ka moutduma leh beijot ïa kawei heprit ba dang 13 snem ka rta ha u bnai Jymmang 2017.
Ha utei u snem, hadien u la leh ïa katei ka kam sang, ki Pulit la kem ïa u bad la rejister case pyrshah ia u ha Nongstoiñ Police Station bad la pynngat ia u hapoh ka kyndon 5(N)/6 jong ka POCSO Act bad ha ka Section 506 Indian Penal Code (IPCP.
ha kaba ïadei, ka Kashari jong u Special Judge POCSO West Khasi Hills ka la rai pynrem ïa utei u runar da kaba set along shiphew snem ryngkat ka kuna kaba T.25 hajar bad katkum ka rai jong u Nongbishar dang lah ruh ban pynjlan shuh shuh sa ar snem.
