Pyninam ki shipai ïa ki tiar siat sha ki khynnah skul ha ka shnong Bakur khapud Bangladesh

Shillong, Risaw 12: Mynta ka sngi ki shipai BSF kila pynlong ïa ka jingrakhe ïa ka ‘Azadi ka Amrit Mahotsav’ ha shnong Bakur ha khappud bad ka Bangladesh ha West Jaintia Hills District ha kaba kila pyninam sha ki khynnah skul ïa ki tiar siat jong ki BSF.
La pynlong ïa kane ka jingleh burom ban pyni paidbah ïa ki tiar siat kaba ki shipai BSF ki don ban pyndon kam ha kaba ïada ïa ka Ri bad ban ïa khun pyrshah ïa ki nongïaleh pyrshah Ri. Ki don palat 500 ngut ki khynnah skul kiba la wan ban jngoh ïa ki tiar siat ki shipai BSF.
Ha kane ka sngi ki khynnah skul kida kmen shisha ban ïoh da la ki jongki khmat ïa kit tiar siat bad ban ïoh ban ïa kren ban tip ïa ka bor treikam jong ki, ha kane ka sngi u bah Alphonous Khonglah General Secretary ka shnong la long u kongsan ha kane ka jingpyninam ïa ki tiar siat ki shipai sha ki khynnah skul.